Shtegu drejt Kuranit

Prej kohësh më mahnisin fjalët e disa njerëzve të mirë, të cilët flasin për ndryshimet rrënjësore që kanë ndodhur në jetët e tyre. Ata tregojnë për kuptime të thella dhe qëndrime të sakta që i kanë fituar. E gjithë kjo, për shkak të bereqetit të Kuranit.

Mahnitja ime me këta njerëz të mirë vazhdon edhe më tej, kur ata tregojnë se si u largohen brengave sa herë që lexojnë diçka prej Kuranit. Ata rrëfejnë se çfarë ndjenjash dhe përjetimesh kalojnë gjatë leximit të tij.

Ata e përshkruajnë sikur ta kishin përjetuar me shqisat e tyre. Leximi i Kuranit u shërben për të mbledhur fuqi në kryerjen e punëve të mira dhe u jep forcë që t’i thonë “Jo” mëkateve.

Eja, të shfletojmë së bashku pjesë të ndritura të shembujve kuranorë…