Zahireja e Haxhiut

Përmbledhje:

Me të vërtetë, dija është rruga që e shton frikën ndaj Allahut. Dija që kërkohet për hir të Allahut llogaritet adhurim, ndërsa mësimi i saj llogaritet dhikër. Interesimi për dije llogaritet xhihad (sakrificë në rrugën e Allahut), ndërsa ta mësosh të paditurin llogaritet si lëmoshë.

Dija është feneri që ndriçon rrugën për në Xhenet. Ajo është shoku i ngushtë në vetmi, shoqëruesi i afërt në mërgim dhe ngushëlluesi në fshehtësi. Dija është udhëzuesi në kohë rehatie dhe vështirësie, arma kundër armikut dhe stolisja para mikut.

Me dije njeriu arrin shkallën e të zgjedhurve dhe gradat e larta në dynja dhe në botën tjetër. Me dije mbahen lidhjet farefisnore dhe dallohen hallalli nga harami. Dija i prin veprës, ndërsa vepra e ndjek dijen. Dija i frymëzon fatlumët dhe i privon fatkeqët.